الرئيسية
الشاعره فاطمه بت ودخيري -مساجله مع اسماعيل حسن وقصيد لفاطني اللوردmr young
--------------------------------------------------------------------------------
.
كما هو معلوم ان اكثر اعمالها شهرة هو الجواب الذي ارسلته لابنها عبد المنعم في مصر
والذي كان يغنيه في البدايه حفيدها الفنان ايوب ومن ثم محمد كرم الله وعثمان اليمني
الا ان غناء محمد كرم لهذه القصيده هي التي اعطتها ذلك الرواج
الليله رسلت السلام يغريك يا الزين
السلام ليك وللمعاك في الاوضه قاعدين
السلام يغري الطرابيش والقلاشين
والسلام من عين شمس لاحد فلسطين
الي ان تصل الي
انت اا يابا في تلاته سنه ما بيدوك دورين
انت شكرك عندي راقد بالجرانين
الا الجواب يا خيري اتملا بالصفحتين
كان هذا هو الجواب الاول وما لا يعلمه الكثيرون عن الجواب الثاني الذي كان يغنيه الفنان ايوب
مريسيلي الهميم قوم بي سخي
قوم مني العصير وانزل عشي
واغشي لي قنا ورد التحيي
وسلم لي علي صمد السركيي
دا الحابو القلب وراضهو النيي
قلو خمسه سنين كتار يشوني شيي
ا ناس يتم السادسي في شهر ال ضحيي
اشا الله ا جنات عافة مريي
وانشاء الله جنات تجو للشايقيي
وجناح جبريل يفر فوقكم شمسيي
انا شده ماجهلت بقيت سهيي
وزاغ مخي المغربل بالنمليي
وبالطربيق لحقت الجودليي
]ا ناس انسنطه قوقي القمري
ال ان تصل الي دعاها الاخير
انشاء الله يجمعو بعد غياب وانا ابقي حيي
وانشاء الله يجمعو بعد غياب والوالده حييي
كما ذكرت لكم ان محمد كرم الله اعطي نكهه اخري لغنائه للجواب الاول واثر هذا الجواب في شاعرنا اسماعيل حسن وتخيل ان الجواب معنون له وهو الذي عاش نفس
الغربه في مصر حين درس الزراعة وعليه فقد رد علي صاحبة الجواب دون سبق معرفه
الليله في درب البنات يا يمه انا اتبهدلت واتغربت دابي
وانا اتوكرت في بلدا بنات بلا الخيول الجامحي فوق الريح تشابي
وجوهن يمه اكان شفتي القمرر لجلج يضاحك في الروابي
وعيونن يمه زي بحر المحيط والموج يولول والعرق لافحني فايت واخرابي
وسنيناتن بلا شخب الحليب الصافي يرهج في الكبابي
ورقابن زي رقاب الريل وما خبير بشق التيه علي بلد الدوابي
ومهورن غالي ما بقدر عليهن
وكمان شوف المصيبه نفيستي فيهن
ومنو البقدر يمد ايدنو لي كيس المرابي دحين يا يمه راجع لي دريبك
انا الغرقان وفي الموجات اشابي اصارع في الهلاك يا يمه اقاسي
وكت قربت لي قيف الشرق تلفحني شيمه كاسحي مغرباب
وقعد زي فاقدا مزوزو اجرجر في التراب ودر حجابي
[ مشاكل الدنيا من ما قمت منك والي هذا الوقت ايضا كذلك الي ما بعده ضدي مبشتنابي
الا لا مالا لقيتو عشان اجيلك يمه تجيك العافي بس فضل شبابي
وان كان للقروش انشا الله طايري انا لي حولين اسم فرطاقه ما دخلت جرابي
انا خبيري مع البنات والليل يهود اهز ضرعاتي وارفع في حجابي
انا بقيت غناي اي غناي العلع في البنادر زي ناس ودصليليح طمبرابي
حينما سمعت الحاجه بت ودخيري برد اسماعيل حسن علي جوابها لابنها وهي التي طلبت من ابنها الجنييهن وكانت تسوي اظنها مليونين لهذا الزمن ...لم يرضها القول وانها كانت تعاتب ابنها في طول الغياب وعم الشوفه -قال لي ايوب بانها ذهبت لاسماعيل حسن في منزله في السجانه وقابلها اسماعيل حسن عند الباب مسلما داعيها للدخول وتمنعت في البدايه وكان ردها عليه
اسماعيل حسن بقلب شكورو
واسمعيل حسن ثابتات عقولوا
سال من بيتو قالو لي ساكن في قصوروا
دخلت البيت قلته كدي الازورو
عاد لقيت اب ذوق يولف في سطورو
قال ادخلي ا حا جي شوف السور ونورو
عاد انا الحرقاني السور كيف دخولو
اسماعيل انا الحاسبالو زي ولدي البدورو
واسماعيل انا الحاسبالو زي منعم في دورو
وما شفنا الزول عديل يصغر بي زولو
ويلبس ولدي توبا ماهو هولو
ويقول فرطاقه ما وفره لا حولو
وفي درب البنات خارش طنبورو
وهو عاد ناس ودصليليح ح شن ببقولو
عاد هو ولدي الظابط الصول بي دبورو
وكت معاي الاوريك دورو
هوبي بقرو الحمر ووسع مسورو
ويقرع في الفواكه اليوم لا طولو
هوقايم بي بغر ما سرحولو
وكت لروح مصر وطالن دهورو
كلامي انا للجنيهين بالهظار ساكت بقولوا
عاد انا وقعلو بي ام حد ازين
وبي جدو البزورو
يقلب الرد يوصلو بي اصولوولكن لا ادري هل رد اسماعيل ام لم يمهله القدر ليرد اولم يمهلها القدر لتسمع الرد
اما قصيدتها في مناسبة طهورة احد ابنائها فقد اعتاد الناس بالمساهمة في المناسبات وكان الكسيق في ذلك ازمان ريال -10قروش- ايام طهورتك يا ضمره- ولكن نسبة لكثرة المناسبات فقد قررت النساء بدفع ما قيمته اب خمسي فقط-شلن- وحين علمت بمكر النساء اعدت خطتها الدفاعيه لذلك وبينما كانت النساء مشغولات في اللغفي والشراب طلعت عليهن وصفقت بيدها وصارت تجول بنظرها باحثة عن صديقتها فاطني والتي كانت تلقبها بمستر ينق فلم تجدها في في الجمع والقت القصيد ه مباشره وعلي الهواء
اسمعن لي ا حبايب عندي كلمات
ماله فاطني اللوردmr youngi ما جات
انت اركزي يا ام نعيم لا تاحدي لجات
اركزي يا ام نعيم ساعة العرض جات
واصلو يقسا لي العرض مالا الريالات
هي مشغوله الليلي مستر ينقي ما جات
انت عدلك يا ام نعيم ترتيب خواجات
انت طاحناهو القمح جد مو هظارات
وكبشي كبش بلد مو الليل غروبات
انت صفيتي الورد ختيتي ترعات
وطاحني رطل صعوط ميتين سجارات
انت تاكلنو حبايب مستسرات
وكت جونا الرجال اهل البيانات
نحنا جبناهو الصحن وردنو شيكات
نتاعود جميع انشاء الله في فرح الوليداتوحينها نسيت النساء مكرهن ونجحت الخطه الدفاعيه ودفع المبلغ كاملا
وحين سرق احدهم قرشا من ابنها عبد المنعم القرش المصري وكان القرش المقدود مربوط في عنق ابنها وعليه صوره السلطان عباس باشا وحسين كامل ...جاء ابنها يبكي فاستهجنت العمل
القريش الشالو ينضر يبقي سراق اشكي الخبر
وينفضح في سوق المقل
جاني منعم يبكي وينين حتي لي عنقو مجرحين
السرق قرشك يا الخزين يبقي من ضمن العبالين
القريش مقدارو ملين الا قلا الحسبه مو زين
صفحه مكتوب كامل حسين وصفحه عباس السليطين
الا فيهو نيلة الطرقي لكن
وفي مجال السيره سيرت ابنها
امو لي بتنم
تنده الختم .....شتلو متردم وقلبو لا بيهم من ابو بيتم
سيد الما بفذ حدو للهدم
ببني فوق الساس ود رجال الباس كرمو عام وخاص...يكرم الجلاس
بحرا ما بتقاس
غلب الغطاس
جدو طيع فاس وجدو التاني راس
سيد المابفز اصلو فايت الناس
ساير ا شطران مال ابوك بان شيكو اب حصان
طول اللسان لا حد الزمان
سيد الما بفذ حدو للخيران
شكرو موغلاط جدو شيخ جادات ينحر الشايلات رضوه للبنات
سيد الما بفز حدو للبارات
--------------------------------------------------------------------------------
.
كما هو معلوم ان اكثر اعمالها شهرة هو الجواب الذي ارسلته لابنها عبد المنعم في مصر
والذي كان يغنيه في البدايه حفيدها الفنان ايوب ومن ثم محمد كرم الله وعثمان اليمني
الا ان غناء محمد كرم لهذه القصيده هي التي اعطتها ذلك الرواج
الليله رسلت السلام يغريك يا الزين
السلام ليك وللمعاك في الاوضه قاعدين
السلام يغري الطرابيش والقلاشين
والسلام من عين شمس لاحد فلسطين
الي ان تصل الي
انت اا يابا في تلاته سنه ما بيدوك دورين
انت شكرك عندي راقد بالجرانين
الا الجواب يا خيري اتملا بالصفحتين
كان هذا هو الجواب الاول وما لا يعلمه الكثيرون عن الجواب الثاني الذي كان يغنيه الفنان ايوب
مريسيلي الهميم قوم بي سخي
قوم مني العصير وانزل عشي
واغشي لي قنا ورد التحيي
وسلم لي علي صمد السركيي
دا الحابو القلب وراضهو النيي
قلو خمسه سنين كتار يشوني شيي
ا ناس يتم السادسي في شهر ال ضحيي
اشا الله ا جنات عافة مريي
وانشاء الله جنات تجو للشايقيي
وجناح جبريل يفر فوقكم شمسيي
انا شده ماجهلت بقيت سهيي
وزاغ مخي المغربل بالنمليي
وبالطربيق لحقت الجودليي
]ا ناس انسنطه قوقي القمري
ال ان تصل الي دعاها الاخير
انشاء الله يجمعو بعد غياب وانا ابقي حيي
وانشاء الله يجمعو بعد غياب والوالده حييي
كما ذكرت لكم ان محمد كرم الله اعطي نكهه اخري لغنائه للجواب الاول واثر هذا الجواب في شاعرنا اسماعيل حسن وتخيل ان الجواب معنون له وهو الذي عاش نفس
الغربه في مصر حين درس الزراعة وعليه فقد رد علي صاحبة الجواب دون سبق معرفه
الليله في درب البنات يا يمه انا اتبهدلت واتغربت دابي
وانا اتوكرت في بلدا بنات بلا الخيول الجامحي فوق الريح تشابي
وجوهن يمه اكان شفتي القمرر لجلج يضاحك في الروابي
وعيونن يمه زي بحر المحيط والموج يولول والعرق لافحني فايت واخرابي
وسنيناتن بلا شخب الحليب الصافي يرهج في الكبابي
ورقابن زي رقاب الريل وما خبير بشق التيه علي بلد الدوابي
ومهورن غالي ما بقدر عليهن
وكمان شوف المصيبه نفيستي فيهن
ومنو البقدر يمد ايدنو لي كيس المرابي دحين يا يمه راجع لي دريبك
انا الغرقان وفي الموجات اشابي اصارع في الهلاك يا يمه اقاسي
وكت قربت لي قيف الشرق تلفحني شيمه كاسحي مغرباب
وقعد زي فاقدا مزوزو اجرجر في التراب ودر حجابي
[ مشاكل الدنيا من ما قمت منك والي هذا الوقت ايضا كذلك الي ما بعده ضدي مبشتنابي
الا لا مالا لقيتو عشان اجيلك يمه تجيك العافي بس فضل شبابي
وان كان للقروش انشا الله طايري انا لي حولين اسم فرطاقه ما دخلت جرابي
انا خبيري مع البنات والليل يهود اهز ضرعاتي وارفع في حجابي
انا بقيت غناي اي غناي العلع في البنادر زي ناس ودصليليح طمبرابي
حينما سمعت الحاجه بت ودخيري برد اسماعيل حسن علي جوابها لابنها وهي التي طلبت من ابنها الجنييهن وكانت تسوي اظنها مليونين لهذا الزمن ...لم يرضها القول وانها كانت تعاتب ابنها في طول الغياب وعم الشوفه -قال لي ايوب بانها ذهبت لاسماعيل حسن في منزله في السجانه وقابلها اسماعيل حسن عند الباب مسلما داعيها للدخول وتمنعت في البدايه وكان ردها عليه
اسماعيل حسن بقلب شكورو
واسمعيل حسن ثابتات عقولوا
سال من بيتو قالو لي ساكن في قصوروا
دخلت البيت قلته كدي الازورو
عاد لقيت اب ذوق يولف في سطورو
قال ادخلي ا حا جي شوف السور ونورو
عاد انا الحرقاني السور كيف دخولو
اسماعيل انا الحاسبالو زي ولدي البدورو
واسماعيل انا الحاسبالو زي منعم في دورو
وما شفنا الزول عديل يصغر بي زولو
ويلبس ولدي توبا ماهو هولو
ويقول فرطاقه ما وفره لا حولو
وفي درب البنات خارش طنبورو
وهو عاد ناس ودصليليح ح شن ببقولو
عاد هو ولدي الظابط الصول بي دبورو
وكت معاي الاوريك دورو
هوبي بقرو الحمر ووسع مسورو
ويقرع في الفواكه اليوم لا طولو
هوقايم بي بغر ما سرحولو
وكت لروح مصر وطالن دهورو
كلامي انا للجنيهين بالهظار ساكت بقولوا
عاد انا وقعلو بي ام حد ازين
وبي جدو البزورو
يقلب الرد يوصلو بي اصولوولكن لا ادري هل رد اسماعيل ام لم يمهله القدر ليرد اولم يمهلها القدر لتسمع الرد
اما قصيدتها في مناسبة طهورة احد ابنائها فقد اعتاد الناس بالمساهمة في المناسبات وكان الكسيق في ذلك ازمان ريال -10قروش- ايام طهورتك يا ضمره- ولكن نسبة لكثرة المناسبات فقد قررت النساء بدفع ما قيمته اب خمسي فقط-شلن- وحين علمت بمكر النساء اعدت خطتها الدفاعيه لذلك وبينما كانت النساء مشغولات في اللغفي والشراب طلعت عليهن وصفقت بيدها وصارت تجول بنظرها باحثة عن صديقتها فاطني والتي كانت تلقبها بمستر ينق فلم تجدها في في الجمع والقت القصيد ه مباشره وعلي الهواء
اسمعن لي ا حبايب عندي كلمات
ماله فاطني اللوردmr youngi ما جات
انت اركزي يا ام نعيم لا تاحدي لجات
اركزي يا ام نعيم ساعة العرض جات
واصلو يقسا لي العرض مالا الريالات
هي مشغوله الليلي مستر ينقي ما جات
انت عدلك يا ام نعيم ترتيب خواجات
انت طاحناهو القمح جد مو هظارات
وكبشي كبش بلد مو الليل غروبات
انت صفيتي الورد ختيتي ترعات
وطاحني رطل صعوط ميتين سجارات
انت تاكلنو حبايب مستسرات
وكت جونا الرجال اهل البيانات
نحنا جبناهو الصحن وردنو شيكات
نتاعود جميع انشاء الله في فرح الوليداتوحينها نسيت النساء مكرهن ونجحت الخطه الدفاعيه ودفع المبلغ كاملا
وحين سرق احدهم قرشا من ابنها عبد المنعم القرش المصري وكان القرش المقدود مربوط في عنق ابنها وعليه صوره السلطان عباس باشا وحسين كامل ...جاء ابنها يبكي فاستهجنت العمل
القريش الشالو ينضر يبقي سراق اشكي الخبر
وينفضح في سوق المقل
جاني منعم يبكي وينين حتي لي عنقو مجرحين
السرق قرشك يا الخزين يبقي من ضمن العبالين
القريش مقدارو ملين الا قلا الحسبه مو زين
صفحه مكتوب كامل حسين وصفحه عباس السليطين
الا فيهو نيلة الطرقي لكن
وفي مجال السيره سيرت ابنها
امو لي بتنم
تنده الختم .....شتلو متردم وقلبو لا بيهم من ابو بيتم
سيد الما بفذ حدو للهدم
ببني فوق الساس ود رجال الباس كرمو عام وخاص...يكرم الجلاس
بحرا ما بتقاس
غلب الغطاس
جدو طيع فاس وجدو التاني راس
سيد المابفز اصلو فايت الناس
ساير ا شطران مال ابوك بان شيكو اب حصان
طول اللسان لا حد الزمان
سيد الما بفذ حدو للخيران
شكرو موغلاط جدو شيخ جادات ينحر الشايلات رضوه للبنات
سيد الما بفز حدو للبارات
